Monday, May 26, 2008

لماذا حين نختلف نفترق!!وحين نفترق نقوم بالذم!!!

لماذا حين نختلف نفترق!!وحين نفترق نقوم بالذم!!!

ليه من موقف يحصل من شخص تنقلب مظاهر الحب والصداقة والاخوة الى موقف عدائى حتى تقوم بتصوير ذلك الشخص وكانه شيطان واذا ما عدت اليه لتتحدث معه فنجد ان ذلك الموقف العدائى يعود ويصبح منتهى الحب ويصبح ذلك الشيطان وكانه ملاك نازل من السما
اين المعايير والمقاييس التى نقيس بها والتى من خلالها نقيم الاشخاص هل من موقف ننهى تلك العلاقة هل ده مش يعتبر خداع ونفاق؟!
اين قناعتنا الشخصية ؟!
كان فى مقولة بتقول الاختلاف فى الراى لا يفسد للود قضية لانى مهما يكن لما بختلف مع حد مش معنى كده انى اكره او ابدأ باعلان الحرب عليه وابدأ فى تشويه صورته باى طريقة ممكنه ولدى كل من يعرفه

فى النهاية اتسائل

اين تذهب المحبة؟
اليس هذا الشخص كان من قبل اخ وصديق لنا

اين المصداقية؟
لو كان هو حد سئ من البداية المفروض انى مش اعرفه وابعد عنه بدل ما انا كل يوم بحال يوم معاه ويوم عليه ويجب ان نتذكر فى النهاية ان الاختلافات واردة مع اى شخص وإن مفيش شخص ملاك نحن جميعنا بشر نخطا ويجب ان نتذكر ايضا اننا لدينا اخطائنا والتى يمكن ان تكون اكبر بكثير من اخطاء الاخرين

اين صدقنا مع الله؟
اليس هذا يعتبر نميمة وخداع ونفاق هو كده مش يعتبر خيانة
مهما كان مسمى الشخص هل هو صديق او زميل او صاحب فهو وثق فينا فلماذا نرد له تلك الثقة بطعنه فى الظهر

الموضوع كبير بس ياريت رسالتى تكون وصلت وياريت كلنا نفهم وياريت نفهم اننا فى النهاية بشر مهما نفعل مهما نحقق من انجازات فاننا بشر لنا اخطائنا ولكن من الخطا اننا نتمادى فيه ولا نغير من رؤيتنا للاشخاص ونقوم بعقابهم على انهم ملائكة فلا يوجود ملائكة ولا يوجد شخص كامل فالكمال لله وحده 000000000

S.M.A

1 comment:

Anonymous said...

لو بين رجل وامرأة الوضوع بيكون كده
لانه بيعمل اقصى ما عنده
ولما مش يلاقى مقابل
فبيحس انه طلع مغفل
فبيحاول يهد كل اللى بناه علشان
يسترجع بعض من كرامته المفقوده
وهو بيكون بيتألم وهو بيعمل كده